मी मराठी

बायको नावाचं वादळ...! [Marathi Kavita]

A Muslim couple being wed alongside the Tungab...Image via Wikipedia

तुम्ही घरात शिरता तेंव्हा
सारं शांत शांत असतं
चपला जागेवर, पेपर टिपॉयवर
सारं जागच्या जागी असतं
सोफ्यावरती बसून राहून
हातामधे रिमोट घेऊन
बायको नावाचं वादळ
तुमची वाट बघत बसलं असतं!


तुम्ही खुर्चीवर बसता क्षणी
हातात चहाचा कप येतो
'दमलो बुवा' या वाक्याला
पलिकडुन नुसता हुंकार येतो
टी व्ही मधल्या शून्यात बघत
चहा संपायची वाट बघत
बायको नावाचं वादळ अजून
वादळापूर्वीच्या शांततेत असतं

'आज काय चुकलं आपलं
काय आपला झाला गुन्हा
कालच्या कोणत्या चुकांपैकी
चूक आपण केली पुन्हा?'
विचार तुम्ही करत रहाता
प्रश्नात तुम्ही पडत रहाता
बायको नावाचं वादळ एव्हाना
घोंघावण्याच्या तयारीत असतं

बघता बघता वादळाचे
डोळे आता भरू लागतात
बघता बघता वादळामधून
शब्द आता झरू लागतात
ऐकून तुम्ही घेता सारं
ओसरू देता वेडं वारं
बायको नावाचं वादळ आता
शांत व्हायच्या मार्गावर असतं

तुमचं चुकलं नसलं तरी
तुम्ही 'सॉरी' म्हणून टाकता
तुम्हाला लागलं नसलं तरी
तुम्ही आपलं कण्हून टाकता
वादळ वारं आपलंच असतं
सारं.. सारं... आपलंच असतं

बायको नावाचं वादळ एव्हाना
कोसळून दमून गेलं असतं
कोसळून जाऊन तुमच्याकडे
हळुच बघतं वादळ
तुमच्याकडे अपेक्षेनं बघत
हळुच हसतं वादळ
तुम्ही सारं विसरून जाता
क्षणात हात पसरून जाता
बायको नावाचं वादळ आता
तुमच्या मिठीत शिरलं असतं!

--- प्रसाद शिरगांवकर
Reblog this post [with Zemanta]

1 टिप्पणी:

Popular Articles

Heart (Photo credit: mozzercork ) नवरदेवाचे उखाणे... १) संसारातल्या संकटांची नाही पर्वा आता साथ आहे माझ्याबरोबर ......कांता !!!!! ...
मैत्री [Maitree - Friendship - Marathi Poem]
Image via Wikipedia मैत्री केली आहेस म्हणुन तुला सांगावस वाटतय... गरज म्हणून 'नातं ' कधी जोडू नकोस सोय म्हणून सहज असं तोडू नकोस.. र...
श्री स्वामी समर्थ [Shree Swami Samarth]
Shri Swami Samartha Maharaj, Akkalkot. (Photo credit: Wikipedia ) श्री स्वामी समर्थ आंध्र प्रदेशातील श्रीशैल्य पर्वतराजीत प्राचीन काळा...
Image by mundo resink via Flickr मलाही वाटते नाते असावे मलाही कुणि आपले असावे पण मग एकच गोष्ट माझ्या मनात येते.... आलो असेच आणि जाणारही अ...
पहिला पाऊस .. [The First Rain - Marathi Poem ]
Image via Wikipedia पहिला पाऊस पडतो तेंव्हा पहिला पाऊस पडतो तेंव्हा एकच काम करायचं... हातातली कामं टाकुन देउन पावसात जाऊन भिजायचं! आपल्या अ...
roses (Photo credit: Robert Couse-Baker ) रात्री जागून विचार करणं प्रेम नसतं स्वप्नात तिच्यासंगे जगणं प्रेम असतं.. ...हातात हात धरुन...