राहून गेलंय आपलं नातं!

Bond of LOvEImage by Thai Jasmine via Flickr

नुसताच बसलो होतो मी
बराच वेळ हातात कागद-पेन घेऊन...
सुचतच नव्हते काही
मनाच्या आकाशात कधी पाऊस कधी ऊन...
शेवटी कंटाळून बाजूला ठेवून दिले कागद-पेन
आणि सरळ आठवायला घेतले तुला

तुझ हसणं आठवलं
तसे टपटपले दोन-चार शब्द कागदावर
तुझ चिडणं आठवलं
तश्या उमटून गेल्या दोन-चार ओळी
मलाही मग आला उत्साह
आठवत गेलो तुला खूप खूप...
तसे तरंगत आले चुकार शब्द
आणि बसले शहाण्यासारखे
एकेका ओळीत गुपचूप...

मग मी आठवल्या त्या कातरवेळा
ती संकेतस्थळं आणि ती चांदरात...
तसे लाजले शब्द थोडे आणि त्यांनी
लपेटले स्वत:ला वृत्त, लयी आणि यमकांत...
कागद भरुन गेला पार...
छान कविता होत होती तयार...
आता शेवटच राहिला होता फक्त
बाकी सगळं जमलं होतं मस्त
अन मला कुठुनसं आठवलं
आपलं झालेलं भांडण
तुझ्यासारखेच रुसून बसले मग शब्द
परत थोडा मागे गेलो
जुनं-जुनं आठवू लागलो

हाताला लागले काही निसटणारे क्षण
लिहिलंही मी कागदावर काहीबाही
पण ते माझं मलाच पटलं नाही...
जसं आपलं भांडण
कधी कध्धीच मिटलं नाही...
माझं मीच मग समजावलं मला
कधी कधी असं होतं
राहते एखादी कविता 'अपूर्ण'च
जसं राहून गेलंय आपलं नातं
जसं... राहून गेलंय आपलं नातं!

ई-मेल फॉरवर्ड - आभार - लेखक/ कवी

टिप्पण्या

  1. mala kavita khupach aavadali.
    mala ya kavitetun mazya aathavani
    jagrukh zalya.
    aagadi mazya premat hi aasach zalay
    je maz aani mazya priye bhandan gele 6 mahine mitat nahi aahe.

    उत्तर द्याहटवा
  2. क्या बात है. याला म्हअनतात लिखान. यार अशि सम्पदा हवि आउश्य्यत. मझा आलि.....

    उत्तर द्याहटवा
  3. खूपच सुंदर आहे कविता फारच छान....!!!!

    उत्तर द्याहटवा
  4. khar prem asa apurnch rahat ka? Tech yogya asat ka?

    उत्तर द्याहटवा

टिप्पणी पोस्ट करा