प्रेम...

Two left hands forming an outline of a heart s...Image via Wikipedia

दाटून आलेल्या संध्याकाळी
अवचित ऊन पडतं
तसंच काहीसं पाऊल न वाजवता
आपल्या आयुष्यात प्रेम येतं

शोधून कधी सापडत नाही
मागुन कधी मिळत नाही
वादळ वेडं घुसतं तेव्हा
टाळू म्हणून टळत नाही

आकाश पाणी तारे वारे
सारे सारे ताजे होतात
वर्षाच्या विटलेल्या मनाला
आवेगांचे तुरे फुटतात

संभ्रम स्वप्न तळमळ सांत्वन
किती किती तर्‍हा असतात
साऱ्या सारख्याच जीवघेण्या
आणि खोल जिव्हारी ठसतात

प्रेमाच्या सफल-विफलतेला
खरंतर काही महत्त्व नसतं
इथल्या जय-पराजयात
एकच गहिरं सार्थक असतं

मात्र ते भोगण्यासाठी
एक उसळणारं मन लागतं
खुल्या सोनेरी ऊन्हासारखं
आयुष्यात प्रेम यावं लागतं


कवी - सुधीर मोघे

ई-मेल फॉरवर्ड - आभार - लेखक/ कवी

टिप्पण्या

  1. jeva teva mulinvar ka kavita karta mulavar ka nahi manje ti aali ti ragvali aaska ni toala toragvla

    aani ma 1 mulachi kavita vachayachi aahi to 1kta tela prem munje kay hi kahi mahit nahi pan muli varcha nahi

    उत्तर द्याहटवा

टिप्पणी पोस्ट करा