पत्र...

Here Comes Santa ClausImage by clogwog via Flickr

बरोबरीने श्रावणधारा अंगांगावर घेशिल ना
सांग साजणी मनातले तू माझ्यासंगे येशिल ना

सचैल न्हाल्या वेली अवघ्या सख्या बिलगतिल सुखावुनी
तूही संपविण्यास दुरावा हाती हाता देशिल ना

कधी हसू कधि शांत बसू अन् कधी गुणगुणू बालकवी
हृदयी गुंजन तव नामाचे ! वेध तयाचा घेशिल ना

निमित्त केवळ जलधारांचे; गगनाची धरणीस मिठी
काय चिंतिसी - 'आपल्यातही असेच काही होइल ' ना ?


सरींमागुती लपती छपती उन्हे पिऊया जोडीने
हवेत ओल्या कवेत माझ्यासवे शहारुन जाशिल ना

जन्मच आहे श्रावण अवघा कळेल का हे तुला कधी
उन्हे कोणती पाउस कुठला अर्थ पारखुन घेशिल ना

इ-मेल फॉरवर्ड - आभार - कवि - लेखक
Reblog this post [with Zemanta]

टिप्पण्या

टिप्पणी पोस्ट करा