दान..!

Image via Wikipedia

मनासारखे देवा आता दान दे
आयुष्याला अर्थाचे परिमाण दे
हातावरती नसोत रेषा असोत रेषा
नशीब माझे लिहायचे सामान दे

किती वेदना सोसायाच्या लाजिरवाण्या?
शेवट आला आता तरी सन्मान दे
नीरस वाटे चाकोरीचा रुळला चकवा
नवीन वाटा घडवायाचे आव्हान दे

तुझाच केला धावा गेली कितीक वर्षे
जगन्नियंत्या आम्हा तुझे पतित्राण दे
दिलास सागर, दिलेस खारे पाणी
सागराला आता थोडी तहान दे..!

......................... इ-मेल फॉरवर्ड - आभार - कवि - लेखक